Avaz fo - til samskifti

AVAZ FO er ein app til børn og onnur, sum ikki fáa tosað, ella hava trupult við at tosa. Tað verið seg vegna autismu, Downs Syndrom, Angelmans Syndrom, Aspergers, Apraxia og aðrar non-verbalar umstøður. Avaz er brúkaravinarlig, bæði hjá børnum og umsorganarfólki. Appin stuðlar uppundir, at barnið kann koma til orðanna, og við tíðini kann flyta seg frá myndasamskifti, til sjálvt at skriva orðini. Avaz finnst á 18 ymiskum málum, og hevur vunnið týdningarmiklar altjóða virðislønir, eitt nú pláss á MIT listanum yvir 35 tær bestu uppfinningarnar. Avaz hevur eisini verið evnið á TED talk. HVÍ VELJA AVAZ FO? AVAZ er einasta SAS (Stuðlandi og Alternativt Samskifti) app til teldlar, við øllum hentleikum, á føroyskum. AVAZ er ment í samstarvi við 25 skúlar og 500 børn, við endamálinum at hjálpa børnum við autismu at menna ein munadyggan samskiftishátt. Avaz hevur 3 ymisk støði av granskingargrundaðum orðatilfeingi, og ein bólk av kjarnuorðum, sum hjálpir barninum at samskifta. Til ber at tillaga appina, bæði orðatilfeingið og byrjunarskíggjan, til einstaka barnið, alt eftir hvørjum støði barnið er á. Eisini ber til at víðka orðatilfeingið við egnum myndum, og upptøkum av røddum. Lyklafunkur: √ Granskingargrundað og støðisskipað orðatilfeingi √ Tekn og myndir (+15.000 tekn frá Symbolstix eller brúka tínar egnu myndir) √ Vegleiðing til stillingar – persónlig-ger Avaz grundað á tørvin hjá einstaka barninum √ Møguleiki fyri bæði myndasamskifti og tekstsamskifti √ Møguleiki at skipa myndir og bólkar eftir egnum tørvi √ Møguleiki at luta boð og setningar á t.d. Facebook og Twitter √ Lætt at trygdarrita og endurstovna við iTunes og Dropbox √ Orðaforsøgn við bæði myndum og teksti √ Møguleiki at útskriva orðatilfeingi sum PDF-bók √ Lætt at avrita appina millum eindir, við AirDrop √ Vegleiðingarfilmur tøkur á appini, og á Facebook síðuni avaz.fo