Ratings & Reviews performance provides an overview of what users think of your app. Here are the key metrics to help you identify how your app is rated by users and how successful is your review management strategy.
喺運動界別中，為咗表揚最有價值嘅優秀球員或者運動員，會將 “MVP” 呢個最高榮譽頒授俾佢哋，以示嘉許。唔單止運動界，其實喺職場，只要搵啱位置，好好裝備自己，你都可以成為獨當一面嘅「職場MVP」！ 為咗向年青人宣傳強積金訊息，包括正在兼職工作或即將開始全職工作嘅準畢業生，以及職場新鮮人，積金局推出全新版本「職場MVP」應用程式，加入更多互動環節俾年青人掌握最新強積金同求職資訊。該程式分為以下六個部分： 「職場攻略」 提供「搵工五大攻略」及「HR 10大熱問必讀」參考，用家可於搵工或見工前裝備自己。 「自助履歷表」 一站式協助用家製作履歷表，只要揀選心水中文或英文範本，再輸入個人資料、工作經驗和學歷，一份個人化的履歷表立即到手。 「虛擬面試官」 透過虛擬真人面試，俾用家練習廣東話及英文嘅面試對答， 仲有網上面試小Tips ，完成練習後，用家更可以錄影重溫自己嘅對答表現，從而加以改善，增加獲聘機會。 「MPF教室」 提醒職場新丁要知道有關強積金嘅15件事，包括強積金制度、加入強積金行列須知和強積金投資資訊一應俱全，更提供填寫強積金計劃成員參加表格小貼士，協助用家了解填寫表格詳情及注意事項。 「MVP達人」 只須善用應用程式內的功能，透過完成8項指定任務，例如製作履歷表、作出面試練習等、獲取實用強積金及求職資訊，便有機會獲得豐富獎品。 「『積』場新動向」 提供職場資訊以及積金局舉辦嘅宣傳同教育項目，包括「職場meme」Instagram及「滾續達人」Facebook專頁活動、理財及強積金講座、大專校園巡迴活動及職業博覽等。
